பர்மாவில் தொழிற்சங்கங்கள் அமைக்க அனுமதி

ஞாயிறு, அக்டோபர் 16, 2011

மியான்மர்

மியான்மரில் இருந்து ஏனைய செய்திகள்

• 26 ஆகத்து 2013: பர்மாவில் முஸ்லிம் வீடுகள் பல பௌத்த மதக் கும்பலினால் தீக்கிரை
• 8 ஆகத்து 2013: இந்தோனேசியாவில் பௌத்த கோயில் மீதான தாக்குதலை அடுத்து கோயில்களுக்குப் பாதுகாப்பு அதிகரிப்பு
• 31 மே 2013: கெச்சின் போராளிகளுடன் பர்மிய அரசு ஏழு அம்ச உடன்பாடு
• 16 மே 2013: மகசென் சூறாவளி வங்காளதேசத்தின் தெற்குக் கரையைத் தாக்கியது
• 1 ஏப்பிரல் 2013: பர்மாவில் தனியார் பத்திரிகைகளுக்கு அனுமதி

...மேலும் செய்திகளுக்கு

மியான்மரின் அமைவிடம்

பர்மாவில் தொழிலாளர்கள் தொழிற்சங்கங்கள் அமைக்கவும், வேலைநிறுத்தங்கள் மேற்கொள்ளவும் அனுமதி அளிக்கும் சட்டமூலத்தில் அந்நாட்டு அரசுத்தலைவர் கையெழுத்திட்டுள்ளார்.

குறைந்தது 30 அங்கத்தவர்கள் இணைந்து தொழிற்சங்கங்களை அமைக்கலாம் என்றும், வேலைநிறுத்தம் மேற்கொள்ளுவதற்கு முன்கூட்டியே அறிவிக்கப்படும் இடத்து அவை அனுமதிக்கப்படும் என்றும் தெரிவிக்கப்படுகிறது. 1962 ஆம் ஆண்டில் இருந்து தொழிற்சங்கங்கள் பர்மாவில் தடை செய்யப்பட்டுள்ளன. பன்னாட்டு தொழிலாளர் அமைப்பு இம்மாறங்களை வரவேற்றுள்ளது.

பர்மாவின் புதிய அரசு அண்மைக்காலங்களில் கொண்டுவந்திருக்கும் முக்கிய அரசியல் சீர்திருத்தங்களில் இது முக்கியமானதாகக் கருதப்படுகிறது.

தொழிலாளர்களின் ஒரு சில உரிமைகளாவது தரப்பட்டிருப்பது வரவேற்கத்தக்கதே என ஆங் சான் சூச்சியின் சனநாயகத்துக்கான தேசிய முன்னணியின் பேச்சாளர் நியான் வின் தெரிவித்தார்.

இவ்வார ஆரம்பத்தில் 200 இற்கும் அதிகமான அரசியல் கைதிகள் பொது மன்னிப்பின் கீழ் விடுவிக்கப்பட்டிருந்தனர்.

மூலம்

• Burma law to allow labour unions and strikes, பிபிசி, அக்டோபர் 16, 2011
• Burma workers win right to strike, பாங்கொக் போஸ்ட், அக்டோபர் 15, 2011