ஆப்கானித்தானில் தேர்தல் சர்ச்சைக்கு பின் ஏற்பட்ட சமரசத்தில் புதிய அதிபர் தேர்ந்தெடுப்பு
ஞாயிறு, செப்டெம்பர் 21, 2014
- 27 சனவரி 2018: காபூலில் நடந்த தற்கொலைதாரி தாக்குதலில் குறைந்தது 95 பேர் பலி
- 13 ஏப்பிரல் 2017: ஆப்காத்தானில் அமெரிக்கா அனைத்து குண்டுகளின் தாய் எனப்படும் பெரும் வெடிகுண்டை போட்டது
- 28 அக்டோபர் 2015: பாகிஸ்தான், ஆப்கனில் நிலநடுக்கம், 263 பேர் உயிரிழப்பு
- 9 ஏப்பிரல் 2015: தலிபான்களால் கடத்தப்பட்ட பிரித்தானியச் செய்தியாளர் மீட்பு
- 21 செப்டெம்பர் 2014: ஆப்கானித்தானில் தேர்தல் சர்ச்சைக்கு பின் ஏற்பட்ட சமரசத்தில் புதிய அதிபர் தேர்ந்தெடுப்பு
ஆப்கானித்தானில் 2014 ஏப்ரல் மாதம் நடைபெற்ற அதிபர் தேர்தலில் மூன்று வேட்பாகளர்கள் போட்டியிட்டனர். அதில் அப்துல்லா முதலிடத்தை பிடித்தாலும் அதிபர் ஆவதற்கு தேவையான வாக்குகளை பெறாததால் இரண்டாவது இடத்தை பிடித்த அசுரப் கானியுடன் மீண்டும் யூன் தேர்தலை சந்தித்தார். அத்தேர்தலில் அசுரப் கானி 56% வாக்குகளை பெற்று வென்றதாக அறிவிக்கப்பட்டது. இது அப்துல்லா ஆதரவாளர்களை கொதிப்படையச் செய்தது. தேர்தலில் பெரும்முறைகேடுகள் நடந்துள்ளதாக கூறி அப்துல்லா ஆதரவாளர்கள் போராட்டத்தில் ஈடுபட்டனர்.
2009ம் ஆண்டு அதிபர் தேர்தலில் அப்துல்லா இரண்டாவதாக வந்தார். அப்போது கர்சாய்க்கு ஆதரவாக தேர்தலில் பெரும்முறைகேடுகள் நடைபெற்றதாக குற்றம் சாட்டினார்.
அப்துல்லா முன்னாள் வெளியுறவுத்துறை அமைச்சர் ஆவார். அசுரப் கானி முன்னாள் நிதியமைச்சர் ஆவார்.
ஆப்கானித்தான் தேர்தல் ஆணையர் யூன் மாதம் நடைபெற்ற தேர்தலில் பெரும் தவறுகள் நடைபெற்றதை ஒப்புக்கொண்டதுடன் ஐக்கிய நாடுகள் மேற்பார்வையில் தணிக்கை முறைகேடுகளை முழுவதும் தடுக்க முடியவில்லை என்றும் கூறினார்.
அப்துல்லாவிற்கும் அசுரப் கானிக்கும் நடைபெற்ற சமரச பேச்சுவார்த்தைகளில் உடன்பாடு ஏற்பட்டு அசுரப் கானி அதிபராக தேர்ந்தெடுக்கப்பட்டுள்ளதாக ஞாயிற்றுக்கிழமை அறிவிக்கப்பட்டது.
இருவருக்குமான உடன்படிக்கையின் படி கானி அதிகாரத்தை அப்துல்லாவுடன் பகிர்ந்து கொள்வார்.
அசுரப் கானி ஆப்கானின் பெரிய இனமான பசுத்தூன் இனத்தவராவார், அப்துல்லா இரண்டாவது பெரிய இனமான தாஜிக் இனத்தவராவார்.
அடுத்த வாரத்திற்குள் கானி பதவியேற்பார் என்று கர்சாயின் செய்திதொடர்பாளர் கூறினார்.
ஆப்கான் அரசமைப்பு சட்டப்படி இரண்டு முறைக்கு மேல் தொடர்ந்து ஒருவர் அதிபராக இருக்க முடியாது. ஏப்பிரல் மாதத்தில் இருந்து யார் அதிபராக வருவார்கள் என்று ஆப்கன் மக்களின் கேள்விக்கு இப்போது விடை தெரிந்துள்ளது.
மூலம்
தொகு- Ghani named Afghan President-elect after deal to end election dispute ரியூட்டர், 2014, செப்டம்பர் 21
- Afghan presidential rivals sign unity deal அல்கசீரா, 2014, செப்டம்பர் 21
- Voters flock to polls in Mazar-e-Sharif பிபிசி 2014, ஏப்பிரல் 6
- Afghan presidential contenders sign unity deal பிபிசி 2014, செப்டம்பர் 21
- Ashraf Ghani Named President-elect in Afghanistan வாய்சு ஆப் அமெரிக்கா 2014, செப்டம்பர் 21
- International Afghanistan's Abdullah Rejects Election Outcome எபிசி நியுசு 2014, செப்டம்பர் 8
