ஆப்காத்தானில் அமெரிக்கா அனைத்து குண்டுகளின் தாய் எனப்படும் பெரும் வெடிகுண்டை போட்டது
சனி, ஏப்பிரல் 13, 2024
- 27 சனவரி 2018: காபூலில் நடந்த தற்கொலைதாரி தாக்குதலில் குறைந்தது 95 பேர் பலி
- 13 ஏப்பிரல் 2017: ஆப்காத்தானில் அமெரிக்கா அனைத்து குண்டுகளின் தாய் எனப்படும் பெரும் வெடிகுண்டை போட்டது
- 28 அக்டோபர் 2015: பாகிஸ்தான், ஆப்கனில் நிலநடுக்கம், 263 பேர் உயிரிழப்பு
- 9 ஏப்பிரல் 2015: தலிபான்களால் கடத்தப்பட்ட பிரித்தானியச் செய்தியாளர் மீட்பு
- 21 செப்டெம்பர் 2014: ஆப்கானித்தானில் தேர்தல் சர்ச்சைக்கு பின் ஏற்பட்ட சமரசத்தில் புதிய அதிபர் தேர்ந்தெடுப்பு
ஆப்காத்தானில் அமெரிக்கா அனைத்து குண்டுகளின் தாய் எனப்படும் 22,000 பவுண்டு (9,800 கிகி) எடையுடைய பெரும் வெடிகுண்டை வியாழக்கிழமை மாலையில் போட்டது.
எம் . சி -130 வானூர்தியில் இருந்து நன்கர்கார் மாகாணத்திலுள்ள ஆச்சின் மாவட்டத்தில் இசுலாமிய அரசு தீவிரவாதிகள் பதுங்கியிருக்கும் இடத்தில் வீசப்பட்டது. வீசப்பட்ட இடம் மலைகள் நிறைந்ததும் குறைந்த மக்கள் உடையதும் ஆகும்.
இசுலாமிய அரசு அமைப்பினர் இங்குள்ள குகைகளில் இருந்து அரசு படையினரை தாக்கிவிட்டு தப்பி விடுகின்றனர் என்று பென்டகன் அறிவித்துள்ளது. தாக்குதல் நடந்த இடம் பெசாவருக்கு அருகில் ஆப்கானித்தான் பாக்கித்தான் எல்லையில் உள்ளது.
இந்த குண்டு இசிபியு-43 என்று அழைக்கப்படும் இதை விட பெரிய குண்டு 30,000 பவுண்டு எடையுள்ள இசிபியு-57 அமெரிக்க படையிடம் உள்ளது. ஆனால் இசிபியு-43 குண்டு அதிக வெடிமருந்தை கொண்டது. இக்குண்டு இது வரை போர்களத்தில் பயன்படுத்த பட்டதில்லை. இது 9 மீட்டர் நீளம் உடையது.
இசிபியு-43 புவியிடங்காட்டி மூலம் வழிநடத்தப்படுகிறது. இது 15,000 பவுண்டு எடையுடைய பிஎல்யு-82 என்ற குண்டின் முன்னேறிய வடிவமாகும். பிஎல்யு-82 முதன் முதல் வியட்நாம் போரில் அதிகம் பயன்படுத்தப்பட்டது, ஆப்கானித்தானில் போரின் தொடக்க காலத்தில் அதிகம் பயன்படுத்தப் பட்டது.
மூலம்
தொகு- US military drops 'mother of all bombs on IS' in Afghanistan பிபிசி 13 ஏப்பிரல் 2017
- U.S. unleashes 'mother of all bombs' for first time in Afghanistanரியூட்டர் 13 ஏப்பிரல் 2017
- U.S. military drops 22,000-pound bomb on Islamic State forces in Afghanistan வாசிங்டன் போசுட் 13 ஏப்பிரல் 2017
