நியூசிலாந்தின் கிறைஸ்ட்சேர்ச்சை உலுக்கிய புதிய நிலநடுக்கங்கள்
வெள்ளி, திசம்பர் 23, 2011
- 15 நவம்பர் 2016: நியுசிலாந்தில் சக்தி வாய்ந்த நிலநடுக்கம்: சுனாமி அலை தாக்கியது
- 9 ஏப்பிரல் 2015: கிழக்கு திமோரில் செய்தியாளர்கள் கொலை தொடர்பில் ஆஸ்திரேலியா போர்க்குற்ற விசாரணை
- 1 பெப்பிரவரி 2014: இந்தியத் துடுப்பாட்ட அணித் தலைவர் டோனி, ஒருநாள் போட்டிகளில் 8,000 ஓட்டங்களைக் கடந்தார்
- 17 ஆகத்து 2013: நியூசிலாந்துத் தலைநகர் வெலிங்டனை இரண்டு பெரும் நிலநடுக்கங்கள் தாக்கின
- 21 சூலை 2013: நியூசிலாந்தில் 6.5 அளவு நிலநடுக்கம், நாடாளுமன்றம் சேதம்
நியூசிலாந்தின் கிறைஸ்ட்சேர்ச் நகரை இன்று பல நிலநடுக்கங்கள் தாக்கியது. இதனால் உயிச்சேதம் எதுவும் ஏற்படவில்லை என்றும், சேதங்களும் மிகக் குறைவானதாக இருந்ததாகவும் அங்கிருந்து வரும் தகவல்கள் தெரிவிக்கின்றன. பலர் தமது வீடுகளில் இருந்து வெளியேறினர்.
உள்ளூர் நேரப்படி இன்று பிற்பகல் 1358 மணிக்கு 5.8 ரிக்டர் அளவு நிலநடுக்கம் ஏற்பட்டதாக அமெரிக்க நிலவியல் ஆய்வு அறிவித்தது. இது நகரின் வட-கிழக்கே 26 கிமீ தூரத்தில் தாக்கியிருந்தது. 80 நிமிடங்களின் பின்னர் 5.9 அளவு நிலநடுக்கம் ஏறத்தாழ அதே இடத்தில் தாக்கியது. பலர் சிறு காயங்களுக்கு உள்ளாயினர் என்றும், 19 பேர் மட்டும் மருத்துவமனைகளில் அனுமதிக்கப்பட்டனர் என்றும் அதிகாரிகள் தெரிவித்தனர்.
இந்த இரண்டு முக்கிய தாக்குதல்களை விட மேலும் சிறிய நிலநடுக்கங்கள் ஆங்காங்கே பிற்பகல் முழுவதும் உணரப்பட்டன. நகரின் விமான நிலையம் தற்காலிகமாக மூடப்பட்டது. மின்சாரமும் தடைப்பட்டது. பெக்சுலி மாவட்டத்தின் சாலைகளில் இரண்டு பெரும் குழிகள் தோன்றியுள்ளன.
கடந்த பெப்ரவரி மாதத்தில் கிறைஸ்ட்சேர்ச்சில் இடம்பெற்ற பெரும் நிலநடுக்கத்தினால் 181 பேர் கொல்லப்பட்டனர். $15.5 பில்லியன் அமெரிக்க டாலர்கள் வரை பொருளாதார இழப்பு ஏற்பட்டது.
தொடர்புள்ள செய்திகள்
தொகு- நியூசிலாந்து கிறைஸ்ட்சேர்ச் பகுதியில் மீண்டும் நிலநடுக்கம், சூன் 14, 2011
- நியூசிலாந்து நிலநடுக்கத்தில் பலர் உயிரிழப்பு, பெப்ரவரி 22, 2011
- 7.0 அளவு நிலநடுக்கம் நியூசிலாந்தைத் தாக்கியது, செப்டம்பர் 4, 2010
மூலம்
தொகு- New Zealand's Christchurch rocked by earthquakes, பிபிசி, டிசம்பர் 23, 2011
- Large earthquakes hit Christchurch, சிட்னி மோர்னிங் எரால்ட், திசம்பர் 23, 2011
