இந்தோனேசியாவில் குடியிருப்புகளின் மீது விமானப்படை விமானம் வீழ்ந்ததில் 11 பேர் உயிரிழப்பு
வெள்ளி, சூன் 22, 2012
- 3 மார்ச்சு 2016: இந்தோனேசியா கடல் பகுதியில் நில நடுக்கம்
- 14 திசம்பர் 2015: இந்தோனேசியாவில் கடலுக்கடியில் 7.1 அளவு நிலநடுக்கம்
- 29 ஏப்பிரல் 2015: இத்தோனேசியாவில் எட்டு பேருக்கு மரணதண்டனை நிறைவேற்றப்பட்டது
- 9 ஏப்பிரல் 2015: கிழக்கு திமோரில் செய்தியாளர்கள் கொலை தொடர்பில் ஆஸ்திரேலியா போர்க்குற்ற விசாரணை
- 28 திசம்பர் 2014: இந்தோனேசியாவின் ஏர்ஏசியா வானூர்தி இக்யு.இசட் 8501 162 பேருடன் மறைந்தது
இந்தோனேசியாவின் தலைநகர் ஜகார்த்தாவில் விமானப் படை விமானம் ஒன்று குடியிருப்பு மனைகள் மீது வீழ்ந்து நொறுங்கியதில் 11 பேர் கொல்லப்பட்டனர், குறைந்தது 35 பேர் காயமடைந்தனர்.
ஃபொக்கர் எஃப்27 ரக விமானமே நேற்று வியாழன் அன்று ஹலீம் பெர்தனாக்சுமா விமான நிலையத்தில் தரையிறங்கும் போது வீழ்ந்து தீப்பற்றியதாக உள்ளூர் செய்திகள் தெரிவிக்கின்றன.
விமானத்தில் பயணம் செய்த விமானப் படையைச் சேர்ந்த ஏழு பேரில் ஆறு பேர் உயிரிழந்ததாகவும், விமானம் வீழ்ந்த இடத்தில் இருந்த வீடொன்றில் ஒரு குழந்தை உட்பட நால்வர் உயிரிழந்தததாகவும் விமானப்படைப் பேச்சாளர் அஸ்மன் யூனுஸ் தெரிவித்தார். உயிர் தப்பிய விமானப் படை வீரர் பின்னர் மருத்துவமனையில் உயிரிழந்தார்.
56 பேர் பயணம் செய்யக்கூடிய டச்சுத் தயாரிப்பான ஃபொக்கர் எஃப் 27 ரக விமானங்கள் 1950களில் தயாரிக்கப்பட்டவை ஆகும்.
மூலம்
தொகு- Indonesian Air Force Plane Crash Kills Nine, ரியா நோவஸ்தி, சூன் 21, 2012
- Indonesia plane crash search called off, கார்டியன், சூன் 22, 2012
