2012 வீவா கால்பந்து உலகக்கிண்ணப் போட்டியில் தமிழீழ அணி பங்கேற்கிறது
ஞாயிறு, சூன் 3, 2012
- 30 திசம்பர் 2018: ஆத்திரேலிய அணிக்கு எதிரான மூன்றாவது தேர்வு துடுப்பாட்ட போட்டியில் இந்திய அணி வெற்றி
- 17 சனவரி 2018: வட, தென் கொரியாக்கள் ஒரே கொடியின் கீழ் குளிர் கால ஒலிம்பிக்கை எதிர்கொள்ளுகின்றன
- 15 திசம்பர் 2016: கத்தார் நாடு காப்லா முறையை ஒழித்துள்ளது
- 29 நவம்பர் 2016: பிரேசிலின் கால்பந்தாட்ட குழு சென்ற வானூர்தி விபத்துக்கு உள்ளாகியதில் 75 பேர் பலி
- 18 சனவரி 2016: ஜல்லிக்கட்டு தடையால் களையிழந்த கிராமங்கள்
நாளை ஆரம்பமாகவிருக்கும் 5வது வீவா உலகக்கிண்ண காற்பந்தாட்டப் போட்டியில் தமிழீழம் சார்பாக ஓர் அணி முதற்தடவையாகப் பங்கேற்கவுள்ளது. இந்தப் போட்டியில் பல நாடுகளிலும் இருந்து தமிழீழ விளையாட்டு வீரர்கள் பங்குபற்றுகின்றனர்.
2012 ஆம் ஆண்டுக்கான வீவா உலகக் கிண்ணப் போட்டிகள் ஈராக்கின் வடக்கே ஈராக்கிய குர்திஸ்தானில் சூன் 4 முதல் சூன் 9 வரை நடைபெறுகின்றன. இப்போட்டியில் தமிழீழ அணியுடன், தார்பூர், ஈராக்கிய குர்திஸ்தான், வடக்கு சைப்பிரசு, ரேடியா, ஒக்சித்தானியா, புரோவென்சு, மேற்கு சகாரா மற்றும் சான்சிபார் ஆகிய ஒன்பது அணிகள் மோதவுள்ளன. இவ்வணிகள் நெல்சன் மண்டேலா வெற்றிக்கிண்ணத்துக்காக போட்டியிடவுள்ளன.
இரண்டு ஆண்டுகளுக்கு ஒரு முறை நடத்தப்படும் இப்போட்டிகள் பன்னாட்டுக் காற்பந்தாட்டக் கழகங்களின் கூட்டமைப்பின் (ஃபீஃபா) அங்கீகாரம் பெறாத நாடுகளுக்காக, மற்றும் ஐக்கிய நாடுகள் சபையில் அங்கீகாரம் பெறப்படாத தேசிய இனங்களுக்காக புதிய கூட்டமைப்பு வாரியத்தினால் (Nouvelle Fédération-Board, NFB) ஒழுங்குபடுத்தப்படும் பன்னாட்டு காற்பந்தாட்டப் போட்டியாகும்.
மூலம்
தொகு- வீவா உலகச் சுற்றுக்கிண்ணப் போட்டிக்கு புறப்பட்டது தமிழீழ அணி, செய்தி இணையம், சூன் 3, 2012
- 2012 VIVA World Cup matches kick off Monday, ஏகே நியூஸ், சூன் 3, 2012
- வீவா உலகக்கோப்பை
