பாக்கித்தானில் தாலிபான்கள் சிறை உடைப்பு, 248 கைதிகள் விடுவிப்பு

செவ்வாய், சூலை 30, 2013

பாகிஸ்தான்

பாகிஸ்தானில் இருந்து ஏனைய செய்திகள்

• 26 நவம்பர் 2017: இசுலாமாபாத் முற்றுகையை முறியடிக்க இராணுவம் வரவழைப்பு
• 13 ஏப்பிரல் 2017: ஆப்காத்தானில் அமெரிக்கா அனைத்து குண்டுகளின் தாய் எனப்படும் பெரும் வெடிகுண்டை போட்டது
• 17 பெப்பிரவரி 2017: பள்ளிவாசல் தாக்குதலை தொடர்ந்து பாக்கித்தான் 100இக்கும் மேற்பட்ட தீவிரவாதிகளை கொன்றது
• 25 அக்டோபர் 2016: பாக்கித்தானில் காவலர் பயிற்சி கல்லூரியை மூன்று தற்கொலை தாரிகள் தாக்கியதில் பலர் பலி
• 29 செப்டெம்பர் 2016: பாக்கித்தானில் உள்ள தீவிரவாத நிலைகள் மீது இந்தியா ஊடுறுவி தாக்கியது

...மேலும் செய்திகளுக்கு

பாகிஸ்தானின் அமைவிடம்

பாக்கித்தானின் வட-மேற்கே உள்ள சிறைச்சாலை ஒன்றைத் தாக்கிய தலிபான்கள் அங்கிருந்த 248 சிறைக்கைதிகளை விடுவித்தனர்.

தானியங்கித் துப்பாக்கிகள், மோட்டார்கள், கிரனேடுகள் கொண்டு சிறைச்சாலையின் சுவரைத் தகர்த்து சிறைச்சாலைக்குள் தாலிபான்கள் நுழைந்தனர். இச்சம்பவம் தேரா இசுமாயில் கான் என்ற நகரில் இன்று செவ்வாய்க்கிழமை அதிகாலையில் நிகழ்ந்துள்ளது. பல மணி நேரம் துப்பாக்கிச் சமர் இடம்பெற்றது. ஆறு காவல்துறையினர் உட்பட 13 பேர் கொல்லப்பட்டனர்.

இன்றைய தாக்குதலில் நூறு போராளிகள் கலந்து கொண்டனர். இவர்களில் சிலர் காவல்துறையினரின் சீருடை அணிந்திருந்தனர். தாக்குதலுக்குள்ளான சிறைச்சாலை நூற்றாண்டு காலப் பழமையானது எனவும், அதிக பாதுகாப்பு அற்றதுமாகும் என செய்தியாளர்கள் தெரிவிக்கின்றனர்.

சிறையில் இருந்து 5 பெண் கைதிகளும் விடுவிக்கப்பட்டுள்ளனர். அத்துடன் ஒரு பெண் சிறைக் காவலாளியையும் தலிபான்கள் கொண்டு சென்றுள்ளனர். விடுவிக்கப்பட்டவர்களில் 30 தலிபான் தளபதிகளும் அடங்கியுள்ளனர். நகரப் பகுதியில் ஊரடங்கு உத்தரவு பிறப்பிக்கப்பட்டு காவல்துறையினர் தேடுதல் வேட்டையில் இறங்கியுள்ளனர்.

கடந்த ஆண்டு ஏப்ரல் மாதத்தில் இதே போன்றதொரு தாக்குதல் பான்னு என்ற இடத்தில் இடம்பெற்றதில் 400 கைதிகள் விடுவிக்கப்பட்டனர்.

மூலம்

• Pakistan jailbreak: Taliban free 248 in Dera Ismail Khan, பிபிசி, சூலை 30, 2013
• Mass jail break in Pakistan as Taliban gunmen storm prison, ராய்ட்டர்ஸ், சூலை 30, 2013