டாக்காவில் கட்டடங்கள் இடிந்து வீழ்ந்ததில் 23 பேர் உயிரிழப்பு

வியாழன், சூன் 3, 2010

வங்காளதேசம்

வங்காளதேசத்தில் இருந்து ஏனைய செய்திகள்

• 11 பெப்பிரவரி 2024: 2024 வங்காளதேசத் தேர்தல் முடிவுகள்
• 22 நவம்பர் 2015: போர்க்குற்றங்களுக்காக இரண்டு எதிர்க்கட்சித் தலைவர்கள் வங்காளதேசத்தில் தூக்கிலிடப்பட்டனர்
• 9 மார்ச்சு 2014: துடுப்பாட்டம்: இலங்கை அணி ஆசியக் கோப்பையை வென்றது
• 31 சனவரி 2014: ஆயுதம் கடத்திய குற்றத்திற்காக வங்காளதேச எதிர்க்கட்சித் தலைவருக்கு தூக்குத்தண்டனை தீர்ப்பு
• 6 சனவரி 2014: வங்காளதேசத்தில் எதிர்க்கட்சிகள் புறக்கணித்த தேர்தலில் ஆளும் அவாமி லீக் கட்சி வெற்றி

...மேலும் செய்திகளுக்கு

வங்காளதேசத்தின் அமைவிடம்

வங்காள தேசத்தின் தலைநகர் டாக்காவில் நான்கு மாடிக் கட்டடம் உடைந்து வீழ்ந்ததில் குறைந்தது 23 பேர் கொல்லப்பட்டு, பலர் காயமடைந்தனர்.

செவ்வாய்க்கிழமை இரவு மக்கள் குடியிருப்பு மாடிக் கட்டடம் ஒன்று இடிந்து வீழ்ந்ததில் அதன் அருகில் குடிசைகளில் குடியிருந்த மக்கள் சிலரே இறந்துள்ளனர். தொழிலாளர்கள். கூலியாட்கள் வாழும் பகுதியிலிருந்த கட்டடங்களே இவையாகும். ஆழ்ந்த தூக்கத்திலிருந்தால் எவராலும் தப்பியோட முடியவில்லை.

தீயணைப்புப் படையினர் ஸ்தலத்துக்கு விரைந்ததுடன் கனரக இயந்திரங்களின் உதவியுடன் இடிபாடுகள் அகற்றப்பட்டு வருகின்றன. மின்சாரக் கம்பிகள், எரிவாயுக்களின் கசிவுகளாலும் மீட்பு வேலைகள் இடைஞ்சலுக்குள்ளாகியுள்ளன. புதன்கிழமை காலை 6 பேர் உயிருடன் மீட்கப்பட்டனர். காயமடைந்தோர் வைத்திய சாலைக்குக் கொண்டு செல்லப்பட்டனர்.

மேலும் பலர் இடிபாடுகளுக்குள் சிக்கியுள்ளனர் எனவும், இதனால் உயிரிழப்புகள் மேலும் அதிகடிக்கலாம் எனவும் அதிகாரிகள் தெரிவித்தனர்.

கால்வாயாக முன்னர் இருந்த ஒரு இடத்தின் மீதே இக்கட்டடம் கட்டப்பட்டதாகவும், இதன் உரிமையாளர் அதற்கும் மேலாக மேலதிக மாடி ஒன்றைக் கட்டினார் எனவும், இதனாலேயே கட்டடம் இடிந்து வீழ்ந்துள்ளதாக தீயணைப்பு அதிகாரி ஒருவர் தெரிவித்தார்.

டாக்காவில் 2005 ஆம் ஆண்டில் சட்டவிரோதமாகக் அமைக்கப்பட்ட ஆடைத்தொழிற்சாலை ஒன்று இடிந்து வீழ்ந்ததில் 60 பேர் வரையில் உயிரிழந்தனர்.

மூலம்

• Dhaka building collapse kills 23, பிபிசி, ஜூன் 2, 2010
• கட்டடங்கள் இடிந்து வீழ்ந்ததில் 14 பேர் பலி: 25 பேர் கடுங்காயம், தினகரன், ஜூன் 3, 2010