கனடியப் பழங்குடிச் சிறுவர்கள் தவறாக நடத்தப்பட்டமை குறித்து ஆணைக்குழு அறிக்கை
சனி, பெப்பிரவரி 25, 2012
- 26 செப்டெம்பர் 2016: இந்திய விண்வெளி ஆய்வு மையம் இசேகட்சாட்-1 செயற்கை கோளை விண்ணுக்கு ஏவியது
- 17 சனவரி 2014: கனேடிய நாடாளுமன்ற உறுப்பினர் தான் இலங்கையில் பின்தொடரப்பட்டதாகத் தெரிவித்துள்ளார்
- 9 திசம்பர் 2013: இணையத்தில் விற்கப்படும் முடிநீக்கிகள் கண்பார்வையை பறிக்கும்: கனடா எச்சரிக்கை
- 30 ஏப்பிரல் 2013: அழைப்புகளை தன்வடிவ மாற்றத்தினால் உணர்த்தும் சுட்டிப்பேசி
- 28 ஏப்பிரல் 2013: பொதுநலவாயத் தலைவர்களின் மாநாடு இலங்கையில் நடைபெறுவது குறித்து கனடா அதிர்ச்சி
கனடியப் பழங்குடியினச் சிறுவர்களை அவர்களின் குடும்பங்களில் இருந்து பிரித்தெடுக்கும் கனடிய அரசுக் கொள்கை குறித்து ஆராய்ந்த அரசு ஆணைக்குழு தனது இடைக்கால அறிக்கையை வெளியிட்டுள்ளது. பழங்குடிச் சிறுவர்கள் தவறாக நடத்தப்பட்டமை பெரும் சிக்கலை ஏற்படுத்தியுள்ளதாக அறிக்கை தெரிவிக்கிறது.
19ம் நூற்றாண்டில் நாடு உருவாக்கப்பட்டதில் இருந்து 1970கள் வரை சிறுவர்கள் தமது அடையாளம் அகற்றப்பட்டே பள்ளிகளுக்கு அனுப்பப்பட்டனர். 150,000 இற்கும் அதிகமான சிறுவர்கள் கிறித்தவத் தேவாலயங்கள் நடத்திய பாடசாலைகளில் ஆசிரியர்களினால் தவறாக நடத்தப்பட்டனர். இப்பிள்லைகள் பாடசாலைகளை விட்டு வெளியேறும் போது "உயிரில்லாமலேயே" வெளியேறினர் என இடைக்கால அறிக்கை சுட்டிக் காட்டியுள்ளது. இப்பிள்ளைகளின் வாழ்க்கை போதைப்பொருள், மது மற்றும் வன்செயல் போன்றவற்றினால் சீரழிக்கப்பட்டது.
பாடசாலைகளில் பழங்குடிடிச் சிறுவர்கள் உடல் ரீதியாகவும் பாலியல் ரீதியாகவும் தவறாக நடத்தப்பட்டிருந்தனர் என கனடிய நடுவண் அரசு 10 ஆண்டுகளுக்கு முன்னர் ஒப்புக் கொண்டிருந்தது. தமது தாய்மொழியில் பேசுவதற்கு தடை விதிக்கப்பட்டிருந்தனர். இதனால் அவர்கள் தமது தாய் தந்தையருடன் பழகுவதைக் குறைத்துக் கொண்டனர். இவர்களின் வாழ்வியல் பொருளாதார மூலங்கள் சிதைக்கப்பட்டதால் இவர்கள் கனேடிய அரசைத் தங்கி வாழும் நிலைக்கு தள்ளப்பட்டு உள்ளார்கள்.
உண்மை மற்றும் நல்லினக்க ஆணைக்குழு 2006 ஆம் ஆண்டில் உருவாக்கப்பட்டது. இதன் இறுதி அறிக்கை 2012 ஆம் ஆண்டில் சமர்ப்பிக்கப்படும்.
மூலம்
தொகு- Canada commission issues details abuse of native children, பிபிசி, பெப்ரவரி 25, 2012
