உலகக்கோப்பை 2010: ஸ்பெயின் அணியை வீழ்த்தியது சுவிட்சர்லாந்து
வியாழன், சூன் 17, 2010
- 30 திசம்பர் 2018: ஆத்திரேலிய அணிக்கு எதிரான மூன்றாவது தேர்வு துடுப்பாட்ட போட்டியில் இந்திய அணி வெற்றி
- 17 சனவரி 2018: வட, தென் கொரியாக்கள் ஒரே கொடியின் கீழ் குளிர் கால ஒலிம்பிக்கை எதிர்கொள்ளுகின்றன
- 15 திசம்பர் 2016: கத்தார் நாடு காப்லா முறையை ஒழித்துள்ளது
- 29 நவம்பர் 2016: பிரேசிலின் கால்பந்தாட்ட குழு சென்ற வானூர்தி விபத்துக்கு உள்ளாகியதில் 75 பேர் பலி
- 18 சனவரி 2016: ஜல்லிக்கட்டு தடையால் களையிழந்த கிராமங்கள்
சுவிட்சர்லாந்து அணி பலம்பொருந்திய ஸ்பெயின் அணியை அதிர்ச்சித் தோல்வியடைச் செய்து உலகக்கிண்ணப் போட்டித் தொடரின் முதல் போட்டியில் வெற்றியை பதிவு செய்து கொண்டுள்ளது.
தென்னாப்பிரிக்காவின் டர்பன் நகரில் நடைபெற்ற குழு எச் பிரிவுப் போட்டியொன்றில் சுவிட்சர்லாந்து அணி, ஸ்பெயின் அணியை 1-0 என்ற கோல் கணக்கில் வீழ்த்தியுள்ளது.
1954ம் ஆண்டுக்குப் பின்னர் எந்தவொரு சந்தர்ப்பத்திலும் சுவிட்சர்லாந்து அணி உலகக் கிண்ண முதல் போட்டியில் வெற்றியீட்டியதில்லை என்பது குறிப்பிடத்தக்கது.
சர்வதேச கால்பந்து சம்மேளனத்தின், உலக ஆடவர் தரப்பட்டியலின் இரண்டாம் இடத்தில் இருக்கும் ஸ்பெயின் நாட்டின் அணி, 24 ஆவது இடத்தில் இருக்கும் ஸ்விட்சர்லாந்து நாட்டு அணியால் தோற்கடிக்கப்பட்டது.
இந்த உலகக் கோப்பையை வெல்லக் கூடிய வாய்ப்பு ஸ்பெயின் அல்லது பிரேசிலுக்கு அதிகம் உள்ளது என்று பிரபல வீரர் பெலே கருத்து வெளியிட்டிருந்தது குறிப்பிடத்தக்கது.
போட்டியின் 52ம் நிமிடத்தில் சுவிட்சர்லாந்தின் கில்சன் பெர்னாண்டஸ் அபாரமான முறையில் கோல் ஒன்றைப் போட்டு சுவிட்சர்லாந்தின் வெற்றியை பதிவு செய்துள்ளார்.
இதே பிரிவில் இடம்பெற்ற மற்றொரு போட்டியில் சிலி நாட்டு அணி ஹொண்டுராஸ் நாட்டு அணியை 1-0 என்கிற கணக்கில் வென்றது.
மூலம்
தொகு- Switzerland stun Spain in World Cup shock, சுவிஸ் இன்ஃபோ, ஜூன் 16, 2010
- உலகக் கோப்பை ஸ்பெயின் தோல்வி, பிபிசி, ஜூன் 16, 2010
- பலம்பொருந்திய ஸ்பெய்ன் அணியை வீழ்த்தி சுவிட்சர்லாந்து முதல் வெற்றி, கூல்சுவிஸ், ஜூன் 16, 2010
