உலகக்கிண்ணத்துக்கு ஆருடம் கூறிய ஆக்டோபசு பால் இறந்தது
வெள்ளி, அக்டோபர் 29, 2010
- 25 பெப்பிரவரி 2018: நடிகை ஸ்ரீதேவி மாரடைப்பால் மரணமடைந்தார்
- 21 மார்ச்சு 2017: பில்லியனர் தேவீது ராக்பெல்லர் தன் 101 வயதில் மறைந்தார்
- 22 நவம்பர் 2015: போர்க்குற்றங்களுக்காக இரண்டு எதிர்க்கட்சித் தலைவர்கள் வங்காளதேசத்தில் தூக்கிலிடப்பட்டனர்
- 6 நவம்பர் 2015: அப்துல்கலாம் இயற்கை எய்தினார்
- 9 ஏப்பிரல் 2015: பசுமை புரட்சியின் தந்தை நார்மன் போர்லாக் காலமானார்
2010 உலகக்கிண்ணக் காற்பந்துப் போட்டிகளில் செருமனி அணி விளையாடிய ஏழு போட்டிகளின் முடிவுகளையும், இறுதிப் போட்டி முடிவையும் சரியாகக் கணித்து உலகை வியப்பில் ஆழ்த்திய பால் ஆக்டோபசு, என்ற சாக்குக்கணவாய் செவ்வாய்க்கிழமையன்று செருமனியில் காலமானது.
தென்னாப்பிரிக்காவில் இவ்வாண்டு நிகழ்ந்த கால்பந்தாட்ட இறுதிப் போட்டிகளில் செருமனியின் ஓபர்ஹாசன் என்ற இடத்தில் உள்ள மீன் காட்சியகத்தில் வைக்கப்பட்டிருந்த இந்த சாக்குக்கணவாய் சரியான வெற்றியாளர்களை அடையாளம் காட்டியது. இரண்டு கண்ணாடித் தாங்கிகளில் ஒன்றை இது தெரிந்தெடுக்க வேண்டும். இரண்டு பெட்டிகளிலும் உணவுப் பொருட்கள் நிறைந்திருந்தன. இறுதிப் போட்டியில் வென்றஸ்பெயின் அணியை அது சரியாகக் கணித்தது.
பால் இறந்தது குறித்து அந்தக் காட்சியகத்தின் அறிக்கையில், "பாலின் இயற்கை மரணத்தை உலகுக்கு கவலையுடன் அறிவிக்கிறோம். நாங்கள் அனைவரும் பால் மீது மிகுந்த அன்புடனும், பாசத்துடனும் இருந்தோம். பாலின் மறைவு எங்களை துயரத்தில் ஆழ்த்தியுள்ளது,” என்று தெரிவிக்கப்பட்டிருந்தது.
மூலம்
தொகு- "Paul the 'psychic' octopus dies". த கார்டியன், 26 அக்டோபர் 2010
- "Octopus that predicted World Cup scores has died". த வாசிங்டன் போஸ்ட், 26 அக்டோபர் 2010
- "உலகக்கிண்ண ஆக்டோபஸ் மரணம்". தினக்குரல், 27 அக்டோபர் 2010
