யேமனில் பாதுகாப்பு அமைச்சு மீது தாக்குதல், பலர் உயிரிழப்பு

வியாழன், திசம்பர் 5, 2013

ஏமன்

ஏமனில் இருந்து ஏனைய செய்திகள்

• 13 அக்டோபர் 2016: ஐக்கிய அமெரிக்கா யெமனின் தொலைக்கண்டுணர்வியை தாக்கியது
• 23 ஏப்பிரல் 2015: சௌதி அரேபியா ஏமனில் மீண்டும் வான் தாக்குதலை தொடங்கியது
• 9 ஏப்பிரல் 2015: ஏமனில் அரசு அறிவித்த போர் நிறுத்தம் கடைப்பிடிக்கப்படவில்லை
• 1 செப்டெம்பர் 2014: ஏமனில் போராளிகளுக்கும் இராணுவத்துக்கும் இடையில் கடும் சண்டை
• 10 மார்ச்சு 2014: ஏமனில் படகு கவிழ்ந்ததில் சட்டவிரோத ஆப்பிரிக்கக் குடியேறிகள் 42 பேர் உயிரிழப்பு

...மேலும் செய்திகளுக்கு

ஏமனின் அமைவிடம்

யேமன் நாட்டின் பாதுகாப்பு அமைச்சு மீது தாக்குதல்கள் நடத்தப்பட்டதில் குறைந்தது 20 பேர் கொல்லப்பட்டனர், மேலும் 37 பேர் படுகாயமடைந்தனர்.

பாப் அல்-யமான் நகரில் உள்ள அமைச்சக் கட்டடத்தின் நுழைவாயிலில் முதலில் தற்கொலைக் குண்டுத் தாக்குதல் நடத்தப்பட்டதாகவும், பின்னர் ஆயுதம் தாங்கிய போராளிகள் உள்ளே நுழைந்து தாக்குதல் நடத்தியதாகவும் அறிவிக்கப்படுகிறது. நிலைமை தற்போது கட்டுப்பாட்டுக்குள் கொண்டு வரப்பட்டுள்ளதாகவும், தாக்குதல் நடத்தியவர்கள் பலர் இறந்து விட்டதாகவும் அதிகாரிகள் தெரிவித்தனர்.

இன்றைய தாக்குதலுக்கு இதுவரையில் யாரும் உரிமை கோரவில்லை. அராபியத் தீபகற்ப அல்-கைதா இயக்கத்தினரே இத்தாக்குதலை நடத்தியதாக நம்பப்படுகிறது. ஆனாலும், முன்னாள் அரசுத்தலைவர் அலி அப்துல்லா சாலேயின் ஆதரவாளர்களே இத்தாக்குதலை நடத்தியிருக்க வேண்டும் என அமைச்சர் ஒருவர் தெரிவித்தார்.

கடந்த சில வாரங்களாக மோட்டார் சைக்கிள்களில் வரும் போராளிகள் அதிகாரிகள் மீது தாக்குதல்களை நடத்தி விட்டுத் தப்பிச் செல்லும் சம்பவங்கள் அடிக்கடி இடம்பெற்று வருகின்றன.

2011 ஆம் ஆண்டில் அலி அப்துல்லா சாலே பதவியில் இருந்து அகற்றப்பட்ட பின்னர் அங்கு அமைதியின்மை நிலவி வருகிறது.

மூலம்

• Deadly attacks hit Yemen defence ministry in Sanaa, பிபிசி, டிசம்பர் 5, 2013
• 20 killed, dozens wounded after suicide bombing at Yemen defense ministry, ஆர்டி. டிசம்பர் 5, 2013