ஏமன் தலைவர் சாலே பதவி துறக்கத் தயார் என அறிவிப்பு

ஞாயிறு, ஏப்பிரல் 24, 2011

ஏமன்

ஏமனில் இருந்து ஏனைய செய்திகள்

• 13 அக்டோபர் 2016: ஐக்கிய அமெரிக்கா யெமனின் தொலைக்கண்டுணர்வியை தாக்கியது
• 23 ஏப்பிரல் 2015: சௌதி அரேபியா ஏமனில் மீண்டும் வான் தாக்குதலை தொடங்கியது
• 9 ஏப்பிரல் 2015: ஏமனில் அரசு அறிவித்த போர் நிறுத்தம் கடைப்பிடிக்கப்படவில்லை
• 1 செப்டெம்பர் 2014: ஏமனில் போராளிகளுக்கும் இராணுவத்துக்கும் இடையில் கடும் சண்டை
• 10 மார்ச்சு 2014: ஏமனில் படகு கவிழ்ந்ததில் சட்டவிரோத ஆப்பிரிக்கக் குடியேறிகள் 42 பேர் உயிரிழப்பு

...மேலும் செய்திகளுக்கு

ஏமனின் அமைவிடம்

ஏமன் அரசுத்தலைவர் அலி அப்துல்லா சாலே தனது 32 ஆண்டு கால ஆட்சியை அடுத்து இடம்பெற்ற வன்முறைகளை முடிவுக்குக் கொண்டு வரும் பொருட்டு அடுத்த 30 நாட்களுக்குள் பதவி விலகுவதாக அறிவித்துள்ளார்.

ஏமன் அரசுத்தலைவர் அலி அப்துல்லா சாலே

வளைகுடா நாடுகளின் அமைப்பு முன்வைத்த யோசனைகளை அரசு ஏற்றுக் கொண்டுள்ளதாக தலைநகர் சனாவில் அரச உயர் அதிகாரிகள் தெரிவித்தனர்.

ஒரு மாத காலத்துக்குள் திரு. சாலே தனது பதவியை பிரதி அரசுத்தலைவருக்கு ஒப்படைப்பார். பதிலாக தன் மீது எவ்வித விசாரணைகளும் மேற்கொள்ளப்படமாட்டாது என எதிர்க்கட்சிகள் உறுதியளிக்க வேண்டும் எனவும் கேட்டுக்கொள்ளப்பட்டுள்ளது.

இந்த உடன்படிக்கையை ஐக்கிய அமெரிக்கா வரவேற்றுள்ளது. அமைதியான வழியில் ஆட்சி மாற்றம் இடம்பெற அனைத்துத் தரப்பினரும் முயற்சி எடுக்க வேண்டும் என வெள்ளை மாளிகை தெரிவித்துள்ளது. அரசுத்தலைவரின் இம்முடிவை வரவேற்றுள்ள எதிர்க்கட்சித் தலைவர் யாசின் நோமன், தேசிய அரசு ஒன்றை அமைக்கும் பட்சத்தில் அதில் பங்கேற்க மாட்டோம் எனக் கூறியுள்ளார்.

கடந்த 2 மாதங்களாக நாட்டில் இடம்பெற்றுவரும் வன்முறைகளில் குறைந்தது 120 பேர் கொல்லப்பட்டனர்.

மூலம்

• Yemen leader Saleh agrees to step down under Gulf plan, பிபிசி, ஏப்ரல் 23, 2011
• Yemen activists vow to keep pressure on Saleh, அல்ஜசீரா, ஏப்ரல் 24, 2011