விக்கிசெய்தி

பிரான்சில் இசுலாமியப் பெண்கள் முழு முகத்திரை அணியத் தடை

This is the stable version, checked on 22 சூலை 2018. Template changes await review.

வியாழன், சூலை 15, 2010

பிரான்சில் இருந்து ஏனைய செய்திகள்
பிரான்சின் அமைவிடம்

பிரான்சின் அமைவிடத்தைக் காட்டும் வரைபடம்

பிரான்சில் முஸ்லிம் பெண்கள் முழு முகத்திரை அணிவதற்குத் தடை விதிப்பதற்கு அந்நாட்டின் கீழவை அங்கீகரித்துள்ளது. மொத்தம் 557 நாடாளுமன்ற உறுப்பினர்களில் 335 பேர் தடைக்கு ஆதரவாக வாக்களித்தனர். ஒருவர் மட்டுமே எதிர்த்து வாக்களித்தார்.


வரும் செப்டம்பர் மாதம் மேலவையில் ஒப்புதல் பெற்ற பிறகு அது சட்டமாக்கப்படும்.


பொது இடங்களில் முஸ்லிம்கள் முகத்திரை அணிவதற்குத் தடை விதிக்கும் சட்டத்துக்கு பொது மக்களும் ஆதரவு தெரிவித்திருந்தனர். இருந்தாலும் பிரான்சில் முஸ்லிம்களில் வெகு சிலரே முழு முகத்திரை அணிகின்றனர் என அவதானிகள் கருத்துத் தெரிவிக்கின்றனர்.


பிரான்ஸ் நாட்டவர்களின் தனி அடையாளம் பற்றிய விரிவான விவாதத்துக்குப் பிறகு அதிபர் நிக்கோலா சர்கோசி தடைக்கு ஆதரவு தெரிவித்தார்.


மக்களாட்சிக்கும் பிரெஞ்சுப் பண்புகளுக்கும் கிடைத்த வெற்றி.

—நீதி அமைச்சர், பிரான்ஸ்

வாக்களிப்புக்குப் பிறகு பேசிய நீதி அமைச்சர் மிஷெல் அலியோட்-மேரி, "மக்களாட்சிக்கும் பிரெஞ்சுப் பண்புகளுக்கும் கிடைத்த வெற்றி," என்றார்.


பிரான்ஸ் நாட்டின் இந்த வாக்களிப்பை இதர நாடுகளும் அணுக்கமாகக் கண்காணித்தன. ஸ்பெயின், பெல்ஜியம் போன்ற நாடுகளிலும் இதே போன்ற சட்டம் பற்றிய விவாதம் நடைபெற்று வருகிறது.

மூலம்

தொகு
 

இச்செய்தியைப் பகிர்க:     

"https://ta.wikinews.org/w/index.php?title=பிரான்சில்_இசுலாமியப்_பெண்கள்_முழு_முகத்திரை_அணியத்_தடை&oldid=48548" இலிருந்து மீள்விக்கப்பட்டது