சனாதிபதியைப் பதவி விலகக் கோரி ஏமனிலும் போராட்டம்
சனி, சனவரி 29, 2011
- 13 அக்டோபர் 2016: ஐக்கிய அமெரிக்கா யெமனின் தொலைக்கண்டுணர்வியை தாக்கியது
- 23 ஏப்பிரல் 2015: சௌதி அரேபியா ஏமனில் மீண்டும் வான் தாக்குதலை தொடங்கியது
- 9 ஏப்பிரல் 2015: ஏமனில் அரசு அறிவித்த போர் நிறுத்தம் கடைப்பிடிக்கப்படவில்லை
- 1 செப்டெம்பர் 2014: ஏமனில் போராளிகளுக்கும் இராணுவத்துக்கும் இடையில் கடும் சண்டை
- 10 மார்ச்சு 2014: ஏமனில் படகு கவிழ்ந்ததில் சட்டவிரோத ஆப்பிரிக்கக் குடியேறிகள் 42 பேர் உயிரிழப்பு
ஏமன் நாட்டில் அரசுத்தலைவரைப் பதவி விலகக் கோரி, எதிர்க்கட்சியினரும் இளைஞர் அமைப்புகளும் போராட்டத்தில் குதித்துள்ளன.
ஏமன் நாட்டு அதிபர் அலி அப்துல்லா சலே கடந்த 32 ஆண்டு காலமாக ஆட்சியில் உள்ளார். இவரது பதவிக் காலம் 2013 இல் முடிவடைகிறது. அதற்குள் தன்னுடைய மகனை அரசுத்தலைவராக்க முயற்சி செய்து வருவதாக எதிர்க்கட்சியினர் குற்றம் சாட்டி வருகின்றனர். ஏமன் நாட்டின் மக்கள் தொகையில், பாதிப் பேர் வறுமைக்கோட்டுக்கு கீழ் வசிக்கின்றனர். வறுமை, ஊழல் மற்றும் வேலைவாய்ப்பின்மை என்பவற்றைக் காரணம் காட்டி வெகுண்டெழுந்த இளைஞர்களும், எதிர்க்கட்சியினரும் தற்போது அதிபர் அப்துல்லா சலேயைப் பதவி விலகக் கோரி தலைநகர் சனாவில் முற்றுகைப் போராட்டம் நடத்தி வருகின்றனர். சலே பதவி விலகுவதைத் தவிர வேறு எந்த சமாதானத்தையும் நாங்கள் ஏற்க தயாராக இல்லை என போராட்டக்காரர்கள் திட்டவட்டமாக அறிவித்துள்ளனர்.
இரு வாரங்களுக்கு முன்னர் துனீசியாவில் அதிபர் பென் அலியைப் பதவி விலகக் கோரி நடந்த போராட்டத்தின் காரணமாக அவர் தலைமறைவாகி சவுதி அரேபியாவில் அரசியல் தஞ்சம் புகுந்துள்ளார். துனீசியாவில் மக்கள் கொந்தளிப்பை அடுத்து ஆட்சி மாற்றம் ஏற்பட்டுள்ளதை அடுத்து எகிப்திலும் வேறு சில அரபு நாடுகளிலும் மக்கள் ஆர்ப்பாட்டங்களில் இறங்கியுள்ளனர்.
தொடர்புள்ள செய்திகள்
தொகு- எகிப்தில் மக்கள் போராட்டத்தை அடுத்து அரசைக் கலைத்தார் முபாரக், சனி, சனவரி 29, 2011
- துனீசியாவில் மக்கள் கொந்தளிப்பை அடுத்து அரசுத்தலைவர் சவுதிக்குத் தப்பியோடினார், சனி, சனவரி 15, 2011
மூலம்
தொகு- எகிப்தில் ஆர்ப்பாட்டங்கள் நீடிக்கின்றன, பிபிசி, சனவரி 28, 2011
- டூனிசியா, எகிப்தை தொடர்ந்து யெமனிலும் போராட்டம், தினகரன் சனவரி 29, 2011
- Anti-government rallies hit Yemen, அல்ஜசீரா, சனவரி 27, 2011
