இந்தியப் பெருங்கடல் கடற்படை மாநாடு 2012 கொழும்பில் ஆரம்பம்

புதன், பெப்பிரவரி 29, 2012

இலங்கை

இலங்கையில் இருந்து ஏனைய செய்திகள்

• 9 சூலை 2016: கிழக்கிலங்கை மாகாணசபைத் தேர்தல்கள் 2008
• 4 சூன் 2016: ஈழத் தமிழருக்கான நினைவேந்தல் சென்னை மெரீனா கடற்கரையில் நடந்தது
• 9 ஏப்பிரல் 2015: திருக்கோவில் விசேட அதிரடிப்படை முகாம் முற்றாக விலக்கிக் கொள்ளப்பட்டுள்ளது
• 9 ஏப்பிரல் 2015: துன்புறுத்தியே வாக்குமூலம் பெறப்பட்டதாக யசீகரன் நீதிமன்றத்தில் தெரிவிப்பு
• 9 ஏப்பிரல் 2015: திசைநாயகத்திற்கு ஆதரவாக லண்டனில் பன்னாட்டு மன்னிப்பு அவை கவனயீர்ப்பு போராட்டம்

...மேலும் செய்திகளுக்கு

இலங்கையின் அமைவிடம்

இந்தியப் பெருங்கடல் கடற்படை மாநாடு 2012 நேற்று இலங்கைத் தலைநகர் கொழும்பில் உள்ள கலதாரி விடுதியில் ஆரம்பமானது. இன்றும் நடைபெறவுள்ள இந்த உயர்மட்ட மாநாட்டில் 14 நாடுகளைச் சேர்ந்த 60 இற்கும் மேற்பட்ட கடற்படை உயர் அதிகாரிகள் கலந்து கொள்கின்றனர். செயற்பாட்டுத் திறன் தொடர்பாக தகவல் பரிமாற்றம் மற்றும் கூட்டிணைப்பை மேம்படுத்தல் என்ற தொனிப் பொருளில் அம்மாநாடு நடைபெறுகின்றது.

பிராந்தியக் கடல் பாதுகாப்பு நடவடிக்கையை மையமாக கொண்டு 2008 ம் ஆண்டு இந்தியப் பெருங்கடல் கடற்படை மாநாடு முதற்தடைவையாக ஆரம்பித்து வைக்கப்பட்டது. கடல் பாதுகாப்பு, கூட்டிணைப்பு போன்ற விடயங்களில் இந்தியப் பெருங்கடல் பிராந்திய நாடுகள் பயன் பெறும் வகையில் உருவாக்கப்பட்ட இந்த அமைப்பின் ஊடாக பல்வேறு விடயங்கள் ஆராயப்படவுள்ளன.

இந்தியா, பாக்கித்தான், வங்காளதேசம், அவுத்திரேலியா, பிரான்சு, இந்தோனேசியா, கென்யா, குவைத்து, ஓமான், சவுதி அரேபியா, தென்னாப்பிரிக்கா, தான்சானியா, தாய்லாந்து மற்றும் ஐக்கிய அரபு அமீரகம் ஆகிய நாடுகளின் கடற்படை உயர் அதிகாரிகள் கலந்து கொள்கின்ற இந்த மாநாட்டின் போது கடற்படை நடவடிக்கைகள் தொடர்பான பயிற்சி பட்டறையும் இடம்பெறவுள்ளது.

மூலம்

• Sri Lanka Navy Hosts the Indian Ocean Naval Symposium (IONS) Operational Issues Workshop, defpro, பெப்ரவரி 27, 2012
• கொழும்பில் இந்து சமுத்திர கடற்படை மாநாடு ஆரம்பம், தினகரன், பெப்ரவரி 28, 2012