துருக்கி விமானத் தாக்குதலில் 35 குர்திய இனத்தவர்கள் உயிரிழப்பு

சனி, திசம்பர் 31, 2011

துருக்கி

துருக்கியில் இருந்து ஏனைய செய்திகள்

• 2 சனவரி 2017: துருக்கியின் இசுத்தான்புல் கேளிக்கை விடுதியில் நடந்த தாக்குதலில் 39 பேர் பலி
• 20 திசம்பர் 2016: துருக்கியின் உருசிய தூதர் அங்காராவில் படுகொலை செய்யப்பட்டார்
• 4 நவம்பர் 2016: குர்து இன ஆதரவு கட்சி தலைவர்களையும் நாடாளுமன்ற உறுப்பினர்களையும் துருக்கி கைது செய்தது.
• 25 நவம்பர் 2015: உருசியப் போர் விமானத்தை துருக்கி சுட்டு வீழ்த்தியது
• 24 ஏப்பிரல் 2015: ஆர்மீனிய இனப்படுகொலையின் நூற்றாண்டு நிகழ்வு நினைவு கூறப்படுகிறது

...மேலும் செய்திகளுக்கு

துருக்கியின் அமைவிடம்

கடந்த புதன்கிழமை அன்று துருக்கியில் ஈராக் எல்லையில் இடம்பெற்ற விமானத் தாக்குதலில் 35 குர்திய இனத்தவர்கள் கொல்லப்பட்டமைக்கு அந்நாட்டுப் பிரதமர் தனது ஆழ்ந்த கவலையை வெளியிட்டுள்ளார்.

இளம் சட்டவிரோதக் குடியேறிகள் 35 பேர் இத்தாக்குதலில் கொல்லப்பட்டனர். குர்தியப் போராளிகள் மீதே தாம் தாக்குதல் நடத்தியதாக துருக்கியின் இராணுவத்தலைவர் முன்னதாகத் தெரிவித்திருந்தார். இத்தாக்குதல் குறித்த அதிகாரபூர்வ விசாரணைகள் ஆரம்பமாகியுள்ளன.

புதன்கிழமைத் தாக்குதலை அடுத்து பல்லாயிரக்கணக்கானோர் துருக்கியில் கூடி ஆர்ப்பாட்டப் பேரணிகளை நடத்தினர். அவர்கள் அரசுக்கெதிராகக் கோஷங்களை எழுப்பினர். குர்திய சிறுபான்மையினர் துருக்கியில் பாரபட்சமாக நடத்தப்படுவதாக அவர்கள் தெரிவித்தனர்.

துருக்கியில் பிடிபி எனப்படும் குர்தியர்களின் செல்வாக்கு மிக்க கட்சி இத்தாக்குதலை மனித நேயத்துக்கு எதிரானதாக வர்ணித்ததுடன், ஐக்கிய நாடுகள் இதனை விசாரணைக்கு எடுத்துக் கொள்ள வேண்டும் எனவும் கேட்டுக் கொண்டுள்ளது. தாக்குதலில் இறந்தவர்கள் அனைவரும் 16 இற்கும் 20 இற்கும் இடைப்பட்ட வயதினர் எனக் கூறப்படுகிறது.

1984 ஆம் ஆண்டில் இருந்து பிகேகே எனப்படும் குர்திய தொழிலாளர் கட்சி குர்திய இனத்தவர்களின் விடுதலைக்காக ஆயுதப் போராட்டத்தை நடத்தி வருகிறது. இதுவரை 40,000 இற்கும் அதிகமானோர் இறந்துள்ளனர்.

மூலம்

• Turkey regrets Kurdish civilian deaths in air raid, பிபிசி, டிசம்பர் 30, 2011
• Clashes in Turkey on day of Kurdish funerals, யூரோநியூஸ், டிசம்பர் 31, 2011