சீனாவில் புதிதாகக் கட்டப்பட்ட பாலம் ஒன்று இடிந்து வீழ்ந்ததில் மூவர் உயிரிழப்பு

வெள்ளி, ஆகத்து 24, 2012

சீனா

சீனாவில் இருந்து ஏனைய செய்திகள்

• 7 சனவரி 2018: ஈரானிய எண்ணெய் கப்பல் சீன சரக்கு கப்பலுடன் மோதியதில் 32 பேரை காணவில்லை
• 16 திசம்பர் 2016: அமெரிக்காவின் ஆளில்லா இயக்க நீர்மூழ்கியை தென் சீனக் கடலில் சீனா கைப்பற்றியது
• 13 அக்டோபர் 2016: சீனா: 6 மாடி கட்டிடம் இடிந்து விழுந்து 22 பேர் பலி
• 2 சூன் 2015: சீனாவில் யாங்சி ஆற்றில் கப்பல் கவிழ்ந்ததில் 456 பேர் மூழ்கினர்
• 9 ஏப்பிரல் 2015: தைவான் முன்னாள் அதிபருக்கு ஆயுள் தண்டனை

...மேலும் செய்திகளுக்கு

சீனாவின் அமைவிடம்

சீனாவில் கடந்த ஆண்டு நவம்பரில் பல மில்லியன் டாலர்கள் செலவில் கட்டப்பட்ட பாலம் ஒன்றின் ஒரு பகுதி இடிந்து வீழ்ந்ததில் மூவர் கொல்லப்பட்டனர், மேலும் ஐவர் காயமடைந்தனர்.

எய்லோங்சியாங் மாகாணத்தின் கார்பின் நகரில் உள்ள யாங்மிங்ட்டட் பாலத்தின் 100 மீட்டர் நீளமான ஒரு பகுதி உடைந்ததில் அதில் சென்று கொண்டிருந்த நான்கு பாரவூர்திகள் கீழே வீழ்ந்ததாக சின்குவா செய்தி நிறுவனம் அறிவித்துள்ளது. இன்று அதிகாலை 05:30 மணிக்கு இச்சம்பவம் நிகழ்ந்துள்ளது.

மட்டமான கட்டுமானத்தையும், பாரவூர்திகளின் பாரத்தையும் தாங்காததனாலேயே பாலம் உடைந்திருக்கலாம் எனவும் அது தெரிவித்துள்ளது. பாரவூர்திகள் அதிக பாரத்தைக் கொண்டு சென்றனவா என்பது பற்றி அதிகாரிகள் விசாரணை செய்து வருகின்றனர்.

சொங்குவா ஆற்றைக் கடந்து செல்லும் 15.42 கிமீ நீளமான இப்பாலம் 1.88 பில்லியன் யுவான் செலவில் கட்டப்பட்டது.

கடந்த ஆண்டு சூலை மாதத்திற்குப் பின்னர் சீனாவில் பாலம் உடைவது இது ஆறாவது தடவையாகும்.

மூலம்

• Three dead in newly-built Chinese bridge collapse, பிபிசி, ஆகத்து 24, 2012
• Collapse of costly NE China bridge kills three, சின்குவா, ஆகத்து 24, 2012