சிறைக்கைதிகள் பரிமாற்றம்: இசுரேலிய இராணுவ வீரரை ஹமாஸ் விடுவித்தது

செவ்வாய், அக்டோபர் 18, 2011

இசுரேல்

இசுரேலில் இருந்து ஏனைய செய்திகள்

• 7 திசம்பர் 2017: இசுரேலின் தலைநகராமாக ஒன்றுபட்ட செருசலத்தை அமெரிக்கா ஏற்றுக்கொண்டது
• 15 பெப்பிரவரி 2017: இந்தியா 104 செயற்கை கோள்களை ஒரே சமயத்தில் ஏவியது
• 9 ஏப்பிரல் 2015: இசுரேல் போர்க்குற்றங்கள் இழைத்ததாக ஐநா குற்றச்சாட்டு
• 10 சூலை 2014: காசா மீது இசுரேல் தொடர்ந்து வான் தாக்குதல், பலர் உயிரிழப்பு
• 3 சூலை 2014: கடத்தப்பட்ட பாலத்தீன சிறுவனின் உடல் எருசலேம் நகரில் கண்டுபிடிப்பு

...மேலும் செய்திகளுக்கு

இசுரேலின் அமைவிடம்

ஐந்தாண்டுகளாகப் பாலத்தீனத்தில் சிறை வைக்கப்பட்டிருந்த இசுரேலியப் படை வீரர் கிலாட் சாலித் என்பவர் சிறைக்கைதிகளைப் பரிமாறும் ஒப்பந்தம் ஒன்றின் கீழ் விடுவிக்கப்பட்டுள்ளார்.

விடுவிக்கப்பட்ட சாலித் காசாவில் இருந்து எகிப்து கொண்டு செல்லப்பட்டு அங்கிருந்து இசுரேலுக்குக் கொண்டுவரப்பட்டார். அவர் இசுரேலிய உலங்குவானூர்தி ஒன்றின் மூலம், விமானப்படைத் தளத்துக்குக் கொண்டு சென்று, பின்னர், அவரது குடும்பத்தினரிடம் ஒப்புவிக்கப்படுவார்.

இதற்கிடையில், கைதிகள் பரிமாறும் உடன்படிக்கையின் படி, முதற்கட்டமாக இசுரேலில் சிறை வைக்கப்பட்டுள்ள 477 பாலத்தீனக் கைதிகள் இன்று விடுவிக்கப்பட்டு காசா வந்து சேர்ந்தனர். மேலும் 550 பேர் அடுத்த மாதம் விடுவிக்கப்படுவர்.

சார்ஜண்ட் சாலித் (வயது 25) 2006 ஆம் ஆண்டில் இசுரேலினுள் சுரங்க வழியாக வந்த ஹமாசுப் போராளிகளினால் கைப்பற்றப்பட்டார். தான் தடுத்துவைக்கப்பட்டபோது, தனியாக உணர்ந்ததாகவும், ஆனால், என்றாவது ஒருநாள் தான் விடுதலை செய்யப்படுவேன் என்ற நம்பிக்கையுடன் இருந்ததாகவும் அவர் எகிப்தியத் தொலைக்காட்சிக்கு அளித்த பேட்டியில் கூறினார். தனது விடுதலை பாலத்தீன மற்றும் இசுரேலியர்களுக்குமிடையே ஒரு நாள் அமைதி ஓப்பந்தத்துக்கு வழிவகுககும் என்று நம்புவதாக அவர் கூறினார்.

மூலம்

• Gilad Shalit freed in Israeli-Palestinian prisoner swap, பிபிசி, அக்டோபர் 18, 2011
• Gilad Shalit finally released by Hamas, சிட்னி மோர்னிங் எரால்ட், அக்டோபர் 18, 2011