ஏமன் வன்முறைகளில் 37 பேர் உயிரிழப்பு

புதன், சூன் 1, 2011

ஏமன்

ஏமனில் இருந்து ஏனைய செய்திகள்

• 13 அக்டோபர் 2016: ஐக்கிய அமெரிக்கா யெமனின் தொலைக்கண்டுணர்வியை தாக்கியது
• 23 ஏப்பிரல் 2015: சௌதி அரேபியா ஏமனில் மீண்டும் வான் தாக்குதலை தொடங்கியது
• 9 ஏப்பிரல் 2015: ஏமனில் அரசு அறிவித்த போர் நிறுத்தம் கடைப்பிடிக்கப்படவில்லை
• 1 செப்டெம்பர் 2014: ஏமனில் போராளிகளுக்கும் இராணுவத்துக்கும் இடையில் கடும் சண்டை
• 10 மார்ச்சு 2014: ஏமனில் படகு கவிழ்ந்ததில் சட்டவிரோத ஆப்பிரிக்கக் குடியேறிகள் 42 பேர் உயிரிழப்பு

...மேலும் செய்திகளுக்கு

ஏமனின் அமைவிடம்

ஏமன் தலைநகர் சனாவில் நேற்று இடம்பெற்ற வன்முறைகளில் குறைந்தது 37 பேர் கொல்லப்பட்டுள்ளதாக மருத்துவமனை வட்டாரங்கள் தெரிவித்துள்ளன.

பழங்குடி கூட்டமைப்பு ஒன்றின் தலைவர் சேக் சாதிக் அல்-அக்மர் என்பருக்கு ஆதரவான போராளிகளுக்கும் பாதுகாப்புப் படையினருக்கும் இடையில் போர் நிறுத்த உடன்பாடு முறிவடைந்ததை அடுத்து வன்முறைகள் ஆரம்பித்துள்ளன. இவ்வன்முறைகள் ஏமனில் உள்நாட்டுப் போர் ஒன்றை ஏற்படுத்தும் நிலைக்குத் தள்ளப்படூம் என அவதானிகள் தெரிவித்துள்ளனர்.

அரசுத்தலைவர் அலி அப்துல்லா சாலி பதவி விலகுவதற்கு மறுத்துள்ளதைத் தொடர்ந்து அங்கு பல இடங்களில் முறுகல் நிலை தொடர்கின்றன.

ஆளும் பொது மக்கள் காங்கிரசுக் கட்சியின் தலைமையகம் மற்றும் சில கட்டடங்களை பழங்குடியினர் கைப்பற்றியுள்ளதாக பாதுகாப்பு அமைச்சு குற்றம் சாட்டியுள்ளது.

33 ஆண்டுகளாகப் பதவியில் இருக்கும் சாலியைப் பதவியில் இருந்து விலகுமாறு அண்மையில் அமெரிக்க அரசுத் திணைக்களத்தின் பேச்சாளர் கேட்டுக் கொண்டிருந்தார்.

மூலம்

• Yemen: 37 killed in Sanaa clashes, பிபிசி, சூன் 1, 2011
• Yemen street battles leave scores dead, கார்டியன், சூன் 1, 2011