சூடான் தேர்தலில் அரசுத்தலைவர் அல்-பசீர் வெற்றி பெற்றதாக அறிவிப்பு
செவ்வாய், ஏப்பிரல் 27, 2010
- 28 சனவரி 2017: ஏழு நாடுகளை சேர்ந்தவர்கள் மட்டும் அமெரிக்கா வர தடை விதித்து திரம்பு உத்தரவு
- 9 ஏப்பிரல் 2015: தெற்கு சூடான் இன வன்முறைகளில் பொதுமக்கள் பலர் கொல்லப்பட்டனர்
- 15 மே 2014: சூடானில் கிறித்தவத்துக்கு மதம் மாறிய பெண்ணுக்கு மரணதண்டனை தீர்ப்பு
- 25 ஏப்பிரல் 2013: தார்பூர் போர்க் குற்றவாளியாக அறிவிக்கப்பட்ட செர்போ சூடானில் கொல்லப்பட்டார்
- 12 ஏப்பிரல் 2013: சூடான் தலைவர் ஒமார் அல்-பசீர் தெற்கு சூடானுக்கு அரசு முறைப் பயணம்
சூடானில் 24 ஆண்டுகளின் பின்னர் முதன் முதலாக இம்மாதம் இடம்பெற்ற பல-கட்சித் தேர்தல்களில் அந்நாட்டு அரசுத்தலைவர் ஒமார் அல்-பசீர் வெற்றி பெற்றதாக அறிவிக்கப்பட்டுள்ளது. அதே வேளையில், பகுதி-சுயாட்சிப் பிராந்தியமான தெற்கு சூடானில் இடம்பெற்ற தேர்தலில் முன்னாள் போராளித் தலைவர் சல்வா கீர் அதன் அரசுத் தலைவராகத் தேர்ந்தெடுக்கப்பட்டார்.
அல்-பசீர் 68 விழுக்காடு வாக்குகளைப் பெற்றதாக சூடானின் தேர்தல் வாரியம் அறிவித்திருக்கிறது. சல்வா கீர் அவரது பகுதியில் 93 விழுக்காடு வாக்குகளைப் பெற்றார்.
இத்தேர்தல்களில் பல மோசடிகள் இடம்பெற்ரதாக எதிர்க்கட்சிகள் குற்றம் சாட்டியுள்ளன. அல்-பசீரின் இரண்டு முக்கிய எதிர்க்கட்சித் தலைவர்கள் இத்தேர்தலில் போட்டியிடவில்லை.
அல்-பசீர் போர்க்குற்றங்களுக்காக பன்னாட்டுக் குற்றவியல் நீதிமன்றத்தினால் பிடியாணை பிரப்பிக்கப்பட்டவர் என்பது குறிப்பிடத்தக்கது. இக்குற்றச்சாட்டுக்களை அவர் மறுத்துள்ளார்.
மூலம்
தொகு- "Sudan president wins re-election". அல் ஜசீரா, ஏப்ரல் 26, 2010
- "President Omar al-Bashir declared winner of Sudan poll". பிபிசி, ஏப்ரல் 26, 2010
