பூமிக்கு அருகில் உயிரினம் வாழத்தக்க கோள் ஒன்றை ஆத்திரேலிய அறிவியலாளர்கள் கண்டுபிடித்தனர்

வெள்ளி, திசம்பர் 18, 2015

வானியல்

தொடர்புள்ள செய்திகள்

• 8 பெப்பிரவரி 2018: இசுபேசு எக்சு விண்கலம் தெல்சா காரை விண்ணுக்கு செலுத்தியது
• 23 பெப்பிரவரி 2017: பூமியின் அளவை ஒத்த ஏழு புதிய கிரகங்கள் கண்டுபிடிப்பு
• 15 பெப்பிரவரி 2017: இந்தியா 104 செயற்கை கோள்களை ஒரே சமயத்தில் ஏவியது
• 14 சனவரி 2017: இசுபேசு-எக்சு 10 செயற்கைக்கோள்களை வெற்றிகரமாக ஏவியது
• 15 திசம்பர் 2016: கலிலியோ செயற்கைகோள் செயல்பாட்டுக்கு வந்தது

...மேலும் செய்திகளுக்கு

14 ஒளி ஆண்டுகள் தூரத்தில் உயிரினம் வாழத்தகுந்த சூழலுள்ள கோள் ஒன்றைத் தாம் கண்டுபிடித்துள்ளதாக ஆத்திரேலிய அறிவியலாளர்கள் அறிவித்துள்ளனர்.

ஊல்ஃப் 1061 என்ற சூரியனைச் சுற்றி வரும் இக்கோளுக்கு ஊல்ஃப் 1061சி (Wolf 1061c) எனப் பெயரிடப்பட்டுள்ளது. இச்சூரியன் பூமிக்குக் கிட்டவாகவுள்ள 35வது சூரியனாகும்.

மூன்று கோள்கள் செங்குறளி விண்மீனான ஊல்ஃப் 1061 ஐச் சுற்றி வருவதாக நியூ சவுத் வேல்சு பல்கலைக்கழகத்தைச் சேர்ந்த டங்கன் ரைட் தெரிவித்தார். இம்மூன்றும் பூமி, மற்றும் வெள்ளியைப் போன்று பாறைகளாலானவை என நம்பப்படுகிறது.

இம்மூன்று கோள்களில் ஒன்று அவற்றின் சூரியனுக்கு மிகக் கிட்டவாக உள்ளதால் அங்கு வாழத்தகுந்த சூழல் இல்லை என நம்பப்படுகிறது. மற்றையது மிகத் தூரத்தில் உள்ளதால் அது மிகவும் குளிரானதாக உள்ளது. மூன்றாவது இடைத்தூரத்தில் உள்ளதால் அங்கு உயிரினங்கள் வாழக்கூடிய சூழல் உள்ளது. இது கிட்டத்தட்ட 130 திரிலியன் கிமீ தூரத்தில் (14 ஒளியாண்டு) தூரத்தில் உள்ளது.

ஊல்ஃப் 1061சி 18 நாட்களுக்கு ஒரு தடவை தனது சூரியனை சுற்றி வருகிறது. ஆனாலும், ஊல்ஃப் 1061 விண்மீனின் வெப்பநிலை (3,300 கெல்வின்) நமது சூரியனின் வெப்பநிலையுடன் (5800 கெ) ஒப்பிடும்போது குறைந்ததாகும்.

மூலம்

• Wolf 1061c: closest planet found orbiting in a star's habitable zone 14 light years from Earth, சிட்னி மோர்னிங் எரால்டு, டிசம்பர் 17, 2015
• Super-Earth Wolf 1061c is the closest 'habitable' planet outside our solar system, டெய்லிமெயில், 17 டிசம்பர் 2015
• Astronomers discover closest potentially habitable planet: Wolf 1061c, ScienceAlert.com, 17 டிசம்பர் 2015