ஆத்திரேலிய முத்தரப்புத் தொடர் முதல் இறுதியில் ஆத்திரேலியா வெற்றி: திருத்தங்களுக்கு இடையிலான வேறுபாடு

போட்டியின் நாணயச் சுழற்சியில் வென்று முதலில் துடுப்பெடுத்தாடிய கிளார்க் தலைமையிலான ஆத்திரேலிய அணி ஆரம்பம் முதலே அதிரடியாக ஆட ஆரம்பித்தது. ஆரம்ப வீரர்களான டேவிட் வார்னர் மற்றும் மத்தியூ வாட் ஆகியோர் 136 ஓட்டங்களை இணைப்பாட்டமாக பெற்றனர். 50 ஓவர்கள் நிறைவில் 06 விக்கெட்களை இழந்து 321 ஓட்டங்களைப் பெற்றது. இதில் ஆத்திரேலிய அணி சார்பில் அபாரமாக ஆடிய டேவிட் வார்னர் 157 பந்துகளுக்கு முகம் கொடுத்து 13 பெளண்டரிகளும், 2 சிக்ஸர்களும் அடங்கலாக 163 ஓட்டங்களைப் பெற்று தனது கன்னி சதத்தை பூர்த்தி செய்தார். ▼

322 என்ற வெற்றியிலக்கை நோக்கித் துடுப்பெடுத்தாடிய இலங்கை அணியால் 49.2 ஓவர்கள் வரை போராடி சகல விக்கட்டுக்களையும் இழந்த நிலையில் 306 ஓட்டங்களையே பெற முடிந்தது. நேற்றைய ஆட்டத்தில் முன்னிலைத் துடுப்பாட்ட வீரர்களைவிட பந்துவீச்சாளர்கள் கரம் கொடுத்தனர். குறிப்பாக நுவன் குலசேகர 7 பவுண்டரிகள், 3 சிக்சர்கள் அடங்கலாக 43 பந்துகளில் 73 ஓட்டங்களை அபாரமாகப் பெற்றார். உப்புல் தரங்க 60 ஓட்டங்களையும், தம்மிக்க பிரசாத் 31 ஓட்டங்களுடன் ஆட்டமிழக்காதும் இருந்தார். இறுதியில் இலங்கை அணி 15 ஓட்டங்களால் தோல்வியை தழுவிக் கொண்டது.▼